Mbunge Wa jimbo la Kilombero Mhe. Peter Lijualikali kuendelea kuwa mbunge licha ya kuhukumiwa kifungo cha miezi sita jela - Kailima


Mjadala umeshika kasi mitaani, mitandaoni na kila mahali baada ya Mahakama ya wilaya ya Kilombero kumhukumu kutumikia kifungo cha miezi sita jela bila faini Mbunge Wa jimbo la Kilombero Mhe. Peter Lijualikali (30) kwa kosa la kufanya fujo na kusababisha taharuki katika maeneo ya ukumbi Wa halmashauri ya Wilaya ya Kilombero.
Mbunge huyo, akiwa mshtakiwa namba moja pamoja na mwenzie Stephano Mgata (35) walitenda kosa hilo Machi 1, 2016 saa 4 asubuhi Kwenye kikao cha Baraza la Madiwani katika eneo la Kibaoni ukumbi wa halmashauri ya wilaya ya Kilombero, mkoani Morogoro.


Imesemwa kuwa kwa pamoja walifanya fujo kinyume na kifungu namba 89 kifungu kidogo cha kwanza B, cha kanuni ya adhabu sura ya 16 kama ilivyofanyiwa marejeo mwaka 2002, ambapo washtakiwa walikana mashtaka na hivyo kufanya kesi kusikiliza ushahidi wa pande zote mbili na upande wa mashtaka ukathibitisha bila kuacha shaka.

Mkurugenzi wa Uchaguzi wa Tume ya Taifa ya Uchaguzi Bw. Kailima Ramadhan ameibuka na kukata kiu ya wananchi ya kutaka kujua endapo kama baada ya hukumu hiyo Mhe. Lijualikali ataendelea kuwa mbunge.
Akihojiwa na TBC One wakati wa taarifa ya habari ya saa mbili usiku huu Bw. Kailima ameweka bayana kwamba mbunge huyo ataendelea na wadhifa wake kwa kuwa sheria inasema ili kupoteza kiti ni lazima uwe umepewa adhabu ya kifungo cha ZAIDI ya miezi sita jela.

"Ibara ya 67(2)(c) ya Katiba ya Jamhuri ya Muungano wa Tanzania inaeleza mambo yanayotoa sifa ya kuwa Mbunge kutoka  madarakani ni kifungo cha zaidi ya miezi sita jela. Huyu bwana kafungwa miezi sita kwa hiyo bado hajapoteza sifa za kuendelea kuwa mbunge akiwa gerezani na baada ya kumaliza kifungo chake", alisema Bw. Kailima.
Kupata taarifa kamili ya hukumu hiyo BOFYA HAPA



Michuzi

Read more


Habari Zinazoendana

5 months ago

CHADEMA Blog

Mbunge wa Kilombero(CHADEMA) Mh. Lijualikali, afungwa jela miezi sita

Mahakama ya wilaya ya Kilombero imemuhukumu kifungo cha miezi sita jela Mbunge Wa jimbo la Kilombero Peter Lijualikali (30) kwa kosa la kufanya fujo na kusababisha taharuki katika maeneo ya ukumbi Wa halmashauri ya Wilaya ya KilomberoMwendesha mashtaka inspekta Wa Polisi Dotto Ngimbwa aliiambia mahakama kuwa mshtakiwa, akiwa mshtakiwa namba moja pamoja na mwenzie Stephano Mgata (35)

 

5 months ago

StarTV

MBUNGE WA JIMBO LA KILOMBERO AHUKUMIWA MIEZI SITA JELA

Na, Jackson Monela – Star TV

Mahakama ya Wilaya ya Kilombero imemuhukumu kifungo cha miezi Sita mbunge wa Jimbo Kilombero mkoani Morogoro Peter Lijualikali (30) mara baada ya kumkuta na hatia ya kufanya fujo na kusababisha taharuki katika uchaguzi wa kumtafuta mwenyekiti wa Halmashauri hiyo Machi Mosi mwaka 2016.

Hukumu hiyo imetolewa na Hakimu Mkazi wa Mahakama hiyo Timothy Lyon na imemuhusisha mbunge wa Jimbo hilo Peter Lijualikali pamoja na mwenzake Stephano Mgata (35) ambaye  yeye...

 

5 months ago

MillardAyo

Baada ya Mbunge wa Kilombero kuhukumiwa miezi 6 jela, sheria inasemaje kuhusu Ubunge wake?

screen-shot-2017-01-11-at-3-24-38-pm

Mbunge wa kilombero Peter Lijualikani January 11 2017 amehukumiwa kwenda jela miezi sita kwa kukutwa na hatia ya kufanya fujo wakati wa uchaguzi wa Mwenyekiti wa halmashauri ya wilaya ya kilombero mwaka 2015. AyoTV imemtafuta wakili wa kujitegemea Jebra Kambole kutueleza sheria inasemaje pale ambapo Mbunge anahukumiwa kwenda jela, Ubunge wake unakua kwenye nafasi gani?  […]

The post Baada ya Mbunge wa Kilombero kuhukumiwa miezi 6 jela, sheria inasemaje kuhusu Ubunge wake? appeared first on...

 

5 months ago

Bongo5

Professor Jay aongea hiki baada ya mbunge wa Kilombero kuhukumiwa kwenda jela miezi 6

Baada ya mbunge wa Jimbo la Kilombero, Peter Lijualikali na Dereva wake, John Kibasa kuhukumiwa kwenda jela miezi sita bila faini kwa kosa la kufanya vurugu kipindi cha uchaguzi mwaka 2015, Professor Jay ambaye ni mbunge wa jimbo la Mikumi ameumizwa na kitendo hicho.

Kupitia ukurasa wa facebook wa Professor ameandika:

Wanadhani wanatutisha ili tuogope Na kurudi nyuma, Hawajui kuwa WANATUKOMAZA Na kutuongezea Ujasiri zaidi wa Kuendeleza Mapambano. Ipo Siku TUTAELEWANA TU na Jela tutaona kama...

 

5 months ago

Mwananchi

Mbunge Lijualikali, dereva wake jela miezi sita

Mbunge wa Jimbo la Kilombero, Peter Lijualikali na Dereva wake, John Kibasa wamehukumiwa kwenda jela miezi sita bila faini kwa kosa la kufanya vurugu kipindi cha uchaguzi mwaka 2015.

 

5 months ago

Habarileo

Mbunge wa Kilombero atupwa jela miezi sita

MBUNGE wa Kilombero kwa tiketi ya Chama cha Demokrasia na Maendeleo (Chadema), Peter Lijualikali (30) amehukumiwa kwenda jela miezi sita bila faini na Mahakama ya Wilaya ya Kilombero, kwa kosa la kufanya fujo na kusababisha taharuki na uvunjifu wa amani.

 

3 months ago

Zanzibar 24

Mbunge wa Kilombero (CHADEMA) Peter Lijualikali aachiwa huru

Mahakama Kuu ya Dar es Salaam leo March 30 imetengua hukumu aliyopewa Mbunge wa Kilombero wa tiketi ya CHADEMA, Peter Lijualikali na kumuachia huru kwa  kifungo cha miezi sita alichohukumiwa kukitumikia gerezani.

January 11 2017 Mbunge wa Kilombero kwa ticket ya CHADEMA Peter Lijualikali alihukumiwa miezi 6 jela kwa  kupatikana na kosa la kufanya vurugu wakati wa uchaguzi wa Mwenyekiti wa Halmashauri ya Wilaya ya Kilombero na kushitakiwa kwa  kuwashambulia polisi siku hiyo ya uchaguzi, huku...

 

3 months ago

CHADEMA Blog

Mahakama Kuu yatengua Hukumu ya Mbunge wa Kilombero, Peter Lijualikali

Mahakama Kuu kanda ya Dar ES Salaam imetengua hukumu iliyotolewa na Mahakama ya Wilaya Kilombero dhidi ya Mbunge Peter Lijualikali baada ya kukubaliana na warufani kwamba hati ya mashtaka iliyomtia hatiani ilikuwa na upungufu. Uamuzi huo umetolewa leo mbele ya Jaji Ama- Isaria Munisi baada ya kupitia sababu za kupinga mbunge huyo kutiwa hatiani na kuhukumiwa kifungo cha miezi sita jela. Peter

 

5 months ago

MillardAyo

BREAKING: Mbunge wa Kilombero Morogoro ahukumiwa miezi 6 jela

screen-shot-2017-01-11-at-1-53-27-pm

Mbunge wa Kilombero kwa ticket ya CHADEMA Peter Lijualikali leo January 11 2017 amehukumiwa jela miezi 6 baada ya kupatikana na hatia katika kesi ya kufanya vurugu kipindi cha uchaguzi wa Mwenyekiti wa halmashauri ya wilaya ya Kilombero.  Mbunge Lijualikali alishtakiwa kwa kuwashambulia polisi kwenye sikiu hiyo ya uchaguzi. Mbunge jimbo la Kilombero Lijualikali amehukumiwa […]

The post BREAKING: Mbunge wa Kilombero Morogoro ahukumiwa miezi 6 jela appeared first on millardayo.com.

 

Share

Trending Now

Stay updated, Sign up

Habari za Mikoani